21 февраль- һәр халыҡтың үҙ телен ҙурлау көнө,туған телдәр көнө.Тел халыҡтың матди һәм рухи байлығына асҡыс,тарихи үткәне менән киләсәкте бәйләр күпер.Телде һаҡлау,киләсәк быуынға еткереү-һәр кемдең бурысы.Ә уҡытыусы-әсә теленә һөйөү уятыусы ла,тел һағында тороусы ла.Шуға күрә беҙ,башҡорт теле һәм әҙәбиәте уҡытыусылары,үҙ телебеҙҙе, булмышыбыҙҙы, рухыбыҙҙы,ғөрөф-ғәҙәттәребеҙҙе һаҡлау,яҡлау,үҫтереү маҡсатында һәр дәресте файҙалы,мауыҡтырғыс итеп үткәрергә тырышабыҙ.

20 февраль көнө лә беҙҙең икенсе мәктәптә туған телдәр көнөнә арналған төрлө мәҙәни саралар үтте.Башҡорт телен әсә теле булараҡ өйрәнеүселәр Яныбай Хамматовтың «Төньяҡ амурҙары» романынан тәҡдим ителгән өҙөктө диктант итеп яҙҙы.Шулай уҡ уҡытыусылар «Башҡорт кейеме»,«Башҡорт халҡының музыка ҡоралдары»,«Башҡорт халҡының милли байрамдары»

темаларына бай һәм йөкмәткеле дәрестәр үткәрҙе.